Hversu góðir eru íslenskir ljósmyndarar? Úrvalið / The Selection svarar spurningunni.
Höfundur bókarinnar, Einar Falur Ingólfsson ljósmyndari varpar spurningunni fram. Hann svarar henni með því að velja þrettán bestu ljósmyndarana frá upphafi sögu ljósmyndunar hér á landi til þessa dags. Hann segir myndir þeirra vonandi svara spurningunni, – bestu íslensku ljósmyndararnir séu góðir og fyllilega sambærilegir við það sem vel hefur verið gert hinumegin hafsins.
Hér er í fyrsta sinn á Íslandi sett saman úrval bestu íslensku ljósmyndaranna út frá fagurfræðilegum og sögulegum forsendum. Í bókinni birtast fjölbreytilegir og áhugaverðir myndheimar; mikilvægar heimildir um mannlíf og sögu, og skapandi sýn þeirra bestu.“
