Miðaldir í skuggsjá Svarfaðardals. Í bókinni er fjallað um sögu Svarfaðardals frá landnámi fram á 16. öld. Dalurinn er sérlega auðugur af fornleifum og öðrum heimildum um forna tíma og eru þær nýttar hér til að skyggnast inn í fortíðina. Það kemur nokkuð á óvart að samfélagsgerðin virðist í fyrstu hafa einkennst af jöfnuði og dreifingu eigna. En við upphaf ritaldar setti vaxandi misskipting og valdasókn höfðingja svip á samfélagið og því fylgdi hernaður og ofbeldi.
Bókin á sér upphaf í drögum Kristjáns Eldjárns að riti um miðaldasögu Svarfdæla, skráð í forsetatíð hans.
Árni Daníel Júlíusson sagnfræðingur tók upp þráðinn og nýtir sér nýjustu rannsóknir til að skoða og greina mannlíf í Svarfaðardal á miðöldum.
Bókin er ríkulega myndskreytt.
Þjóðminjasafnið gaf út árið 2017.
